Фото: EBU/NATHAN REINDS

За едно место ни „побегна“ финалето: Андреа на 11-тото место на втората полуфинална вечер на Евровизија

Андреа Коевска, нашата претставничка на Евровизија со песната „Circles“ го освои 11-тото место на втората полуфинална вечер, што е за само едно место подолу од првите 10 земји-учеснички кои влегоа во финалето.

Како што покажуваат деталните податоци од гласањето објавени на официјалната страница на Евросонг, Андреа според поените од стручното жири го освои 10 место со вкупно 56 поени, додека пак, од телевотингот го освои 15 место со вкупно 20 поени. Претворени во вкупни поени, Андреа со вкупно 76 поени го освои 11 место во полуфиналето, или пак 26 место од вкупно 40 земји учеснички.

Изненадувачки се податоците кои покажаа дека Андреа најмногу поени добила од жирито на Германија, а најмалку од жирито на нашиот сосед Србија.

Во големото финале, каде победата ја однесе Украина, Северна Македонија според гласањето на жирито, 12 поени и даде на Шпанија, а 10 поени на српската претставничка Констракта. Телефонското гласање се разликување од гласањето на жирито, па така македонските гледачи 12 поени и дадоа на Србија, а 10 на Шпанија.

Гледачите во Македонија на победничката песна на Украина и доделија 8 поени, но сепак македонското жири одлучи да не и даде ниту еден поен.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот