За девет години скопската ЗОО остана без три жирафи, угина и Каспер
Утрово во скопската Зоолошка градина угина жирафата Каспер, која според надлежните во градината подолг период не била во добра здравствена состојба. Во тек е обдукција со која треба да се утврдат причините за нејзината смрт.
За девет години ова е трета жирафи која угина во Зооолошка градина. Во 2014 година од воспаление на цревата предизвикано од бактеријата ешерихија коли, умре три и полгодишната Орка, две години откако беше донесена во ЗОО. Претходно во градината беа донесени уште три жирафи. Во 2021 година ненадејно пцовиса едната од нив, Тобаго, а како што беше официјално кажано, срцев удар бил причина за смртта. Тобаго беше роден во Германија во 2010, а жител на скопската ЗОО беше осум години.
Скршени се срцата на сите вработени, бидејќи Каспер беше наш омилен. Јавно ќе биде соопштено што е причината за смртта, откако ќе ги добиеме официјалните резултати од обдукцијата која беше извршена утрово од страна на Ветеринарниот факултет.Никогаш заборавен и непреболен, наш Каспер, трчај на небесната савана – објавија од Зоолошката градина.
Сега во градината остана уште Флопи, која е единствената жирафа на која посетителите можеа да и се радуваат во изминатите месеци.
Инаку, животниот век на жирафите е околу 25 години.