Обвинителството во Венеција подигна истрага за три лица за минатонеделната автобуска несреќа во градот Местре, во која загинаа 21 лице, објави денеска локалниот весник „Ил Газетино“.

Станува збор за извршниот директор на автобуската компанија Ла Лине и двајца функционери на градот Венеција – управител на секторот за сообраќај и мобилност за внатрешното подрачје на градот и раководител на одделението за одржување на патиштата.

Тие наводно ќе одговараат за убиство со возило, повеќекратно убиство, нанесување тешки или многу тешки повреди на пат и телесни повреди.

21 лице загина, а околу 20 се повредени откако автобус со туристи излетал од надвозник во близина на Венеција во северна Италија и се запалил.

Во несреќата загинаа една Хрватка, девет Украинци, четворица Романки, тројца Германци, двајца Португалци и Италијанец, возачот на автобусот.

Причините за несреќата не се јасни. Една хипотеза е дека возачот погрешил, но имало и сомнежи за состојбата на надвозникот, особено заштитните шини, наведува Анса.

ВИДЕО | Трагедија кај Венеција: Најмалку 20 загинати во автобус кој паднал од мост