Француските ракометарки денеска се пласираа во финалето на Олимписките игри во Токио на женскиот ракометен турнир откако ја совладаа шведската репрезентација со 29:27 (15:14).

Најефикасна во победничката селекција беше Грас Зади со седум гола, а Паулета Фопа постигна пет гола.

Во репрезентацијата на Шведска се истакнаа Јоана Вестберг и Џени Карлсон со по шест гола.

Ова е второ последователно финале на Франција на Олимписките игри, откако беа поразени од Русија во Рио де Жанеиро 2016.

Вториот полуфинален дуел ќе се игра од 14.00 часот помеѓу Норвешка и Рускиот олимписки комитет. Натпреварите за медали ќе се играат в недела.