Девојката со чие голо, безживотно тело парадираа терористите на Хамас во задниот дел на камион, додека милитантите седеа врз неа и се потсмеваа по нивниот насилен упад, вчера е идентификувана како германска тату уметничка, пишува „Дејли мејл“.

Шани Лук (30) била на музичкиот фестивал за мир кога ја фатиле терористите на Хамас во ненадејниот напад врз Израел во кој загинаа стотици луѓе, а илјадници беа повредени.

Нејзиното тело е снимено во задниот дел на камионот, со едната нога под неприроден агол, околу неа седат терористи и поддржувачи на групата како навиваат, трчаат покрај неа и ја плукаат додека ја спроведуваат низ Газа.

30 year old Shani louk, a German citizen who visited Israel to attend the music festival killed brutally by Gaza terrorists.

Her 4 year old son has been waiting for his mother to return home since yesterday. Her inconsolable mother appealing to Hamas to atleast return her… pic.twitter.com/cxeZnOmOjP

— Times Algebra (@TimesAlgebraIND) October 8, 2023

Информациите беа објавени кога нејзината мајка Рикарда објави потресно видео во кое моли за помош за да открие што се случило со нејзината ќерка.

The mother of Shani Louk, the woman whose body was seen on video in the back of a pick-up truck driven by Palestinian terrorists to Gaza, released a statement earlier today.

She confirmed she had seen her daughter on the video & asked the public for help with more information… pic.twitter.com/0gJyEjSpjp

— Jimmy Tran ?? (@thatjimmytr) October 8, 2023

Држејќи фотографија од Шани на својот мобилен телефон, мајката на Шани вели:

„Утрово палестински Хамас ја киднапираше мојата ќерка Шани Никол Лук, германски државјанин, со група туристи во јужен Израел. Снимката ни ја испратија на која јасно можев да ја видам нашата ќерка онесвестена во автомобил со Палестинци и како ја возат по Појасот Газа. Ве молам, испратете ни каква било помош или каква било вест. Ви благодарам многу.“

Се верува дека Шани била мачена и убиена.

Хамас тврдеше дека таа била израелски војник – но роднина на Шани завчера рекла дека тоа е Шани и дека таа немала никаква врска со војската.

„Ништо не сме слушнале. Се надеваме на позитивни вести. Тоа е дефинитивно Шани. Беше на музички фестивал за мир. Ова е кошмар за нашето семејство“, изјавила нејзината братучетка.

Шани присуствуваше на израелскиот музички фестивал „Нова фестивал“ на отворено во рурална област во близина на границата помеѓу Газа и Израел, кој требаше да биде забава со која се прославува еврејскиот празник Сукот, но како што се раздени, Тал Гибли, која беше меѓу стотиците млади луѓе кои присуствуваа на фестивалот, рекла за „Си-ен-ен“ дека присутните почнале да слушаат сирени и ракети.

„Немавме каде да се криеме бидејќи бевме на отворено. Сите толку многу се испаничија и почнаа да си ги земаат работите“, изјавила таа за „Си-ен-ен“.

Израелците тврдат дека се погодени над 500 цели во Газа, а загинале 73 израелски војници

ВО ЖИВО | Војна во Израел, немирите продолжуваат