75-годишен жител на Скопје го загуби животот во сообраќајна несреќа која се случила претпладнево на улицата „Цветан Димов“ во населбата Чаир, соопшти МВР.

Според полицијата, несреќата е пријавена во 10:15 часот. Во неа учествувале автомобил „Мерцедес“ со скопски регистарски таблички, кој го возел загинатиот возач М.Д. и комбе „Фиат“ со кумановски регистарски таблички, управувано од Х.И., кое, поради силината на ударот, удрило и во паркиран камион.

По настанот, лекарите од Брзата помош ја констатирале смртта на М.Д.. Полицијата презема мерки за целосно расветлување на случајот.