ФОТО | „Вог“ воодушевен од креациите кои ги носеше Талија, дело на дизајнерот Златко Јовановски: „Моето име е дел од македонската модна историја“
Македонскиот моден дизајнер Златко Јовановски, полека но сигурно ги придобива симпатиите од светските модни гиганти. Јовановски со години креира модели за познати личности, а неговите креации неодамна ги носеше и Талија, на еден голем настан во Њујорк, а токму ова достигнување, го смета за еден од најголемите успеси.
Препорачано
Јовановски на својот Инстаграм профил ги објави креациите на кои е навистина горд.
View this post on Instagram
„Знаете дека во Њујорк се осветли гигантската елка, токму таму настапи Талија облечена во мој костим, и тоа не еден туку два. Два за два спектакуларни шоуа. Пресреќен сум и премногу горд, на мене и мојот бренд, што полека но сигурно станува светски. Моите креации се на големи сцени и важни настани. И да, моето име и презиме се важни за македонската култура, моето име е дел од македонската модна историја. Гледам во сликиве и си велам браво Златко. Браво сам на себе. Секоја ми чест. А посебно благодарам на сите кои ми честитате, без поддршка ништо. Во она што верувате, сигурно еден ден ќе ви се оствари“, напиша Златко на објавата.
А не пропушти да спомене дека и светскиот магазин „Вог“ бил воодушевен од неговите креации.
„Успеавме, ние сме претставени во „Вог““, објави креаторот.
View this post on Instagram
Покрај Талија, маестралните креации на дизајнерот со светско реноме, ги носеле и Јелена Карлеуша, Александра Радуловиќ, Николија, Милица Кемез и многу други.
