Oд 15 до 18 септември во Скопје ќе се одржи нов собир во чест на еден од најпознатите македонски стручњаци во млади категории.

Турнирот е предвиден за кошаркари родени 2008 година и помлади, а годинава ќе учествуваат осум екипи.

Од Македонија ќе играат Вардар и МЗТ Скопје Аеродром, а гости се Балкан од Бугарија, Игокеа од Босна и Херцеговина, Будуќност од Црна Гора, Цедевита од Хрватска, како и Црвена Звезда и Триумф од Србија.

Во првото издание на овој меморијален меѓународен турнир трофејот го освои словенечкиот клуб Слован.

Турнирот е во спомен на еден од најпознатите и најтрофејни македонски стручњаци во младинска конкуренција Драган Василов – Цевка кој почина во август 2020 година.