Во Сирија убиен лидерот на терористичката организација Џунуд ал Шам
Лидерот на чеченската терористичка организација „Џунуд ал Шам“, Муслим ал Шишани Маргошвили е убиен во Сирија, изјави специјалниот претставник на рускиот претседател за Сирија, Александар Лаврентиев.
„Неодамна руските воздухопловно-космички сили успеаја да елиминираат еден од водачите на терористичката организација „Џунуд ал-Шам Маргошвили“, рече тој на денешната прес-конференција.
Претходно Лаврентиев спомена дека активностите на терористичките „заспани ќелии“ во Сирија во последно време се интензивирани на неприфатливо ниво, пренесува ТАС.
Муслим ал Шишани Маргошвили учествувал во првата и втората чеченска војна, а од 2012 година се борел во Сирија на страната на бунтовниците.
Соединетите Држави соопштија дека тие и припаѓаат на Исламската држава, иако тие го тврдеа спротивното.
Џунуд ал Шам е чеченска сунитска воена организација која ја поддржува сириската опозиција и е најактивна во провинциите Идлиб и Латакија.
На почетокот имало околу 250 луѓе, но сега таа бројка е намалена на неколку десетици луѓе.