На почетокот на јули Калифорнија стана првата држава каде стапува на сила легислативата против дискриминација врз основа на витканата коса или фризури слични на неа.

Њујоршката комисија за човекови права ја поднесе иницијативата уште во февруари, повикувајќи на заштита на луѓето кои избираат да носат „природна, третирана или нетретирана коса која вклучува локни, плетенки, афро-фризура и слични“ како и на нивното право да ја негуваат како што сакаат.

Во оваа легислатива се вклучени и културолошки елементи, особено кај припадниците на одредени раси, култури и традиции кои даваат поинакво значење на обликот, формата и текстурата на фризурите.

Со ова, се забранува влијание на мнозинството, вклучувајќи и наставници и работодавци, да бараат од лицата да ја променат фризурата поради одредена цел.