Во Хаг денеска продолжува судењето на водачите на ОВК
Судењето на поранешните водачи на ОВК Хашим Тачи, Кадрије Весели, Јакуп Красниќи и Реџеп Селими ќе продолжи денеска во Хаг со сослушување на сведоците од Специјализираното обвинителство, јавуваат Репортери.
Досега се сослушани тројца сведоци на обвинителството кои сведочеа под заштитни мерки, а сослушувањето на сведоците се одвива на затворени седници.
За месец мај се планирани десет рочишта.
На 17 април, судскиот совет им го продолжи притворот на Тачи и на уште тројца обвинети бидејќи, според оценката на судот, се уште постои опасност тие да го попречат текот на судскиот процес.
Судењето на поранешните водачи на ОВК започна на 3 април со воведните изјави на партиите, а Тачи, Весели, Селими и Красниќи пред поротата се изјаснија за невини по обвиненијата за воени злосторства и злосторства против човештвото.
Тие се во притворот во Хаг од ноември 2020 година.