ВМРО-ДПМНЕ: Спасовски е виновен зашто не функционира системот
Спасовски е 8 години министер, тоа што не функционира системот е негова вина, Вања можела да биде спасена, реагира ВМРО-ДПМНЕ на изјавата на министерот за внатрешни работи.
-ВМРО-ДПМНЕ преку прес конференција извади доказ од кој јасно се гледа дека МВР на Спасовски знаела дека возилото на убиениот Панче е исчезнато и ме распишале централна објава по него. Доколку МВР на Спасовски распишеше централна објава по возилото на Панче, и неговите убијци ќе биле фатени уште на 24-ти ноември кога влегло во Скопје или на 25-ти кога повторно е лоцирано на камерите на „Безбеден град“ – велат од ВМРО-ДПМНЕ.
Според опозициската партија, МВР имало три дена кога возилото на Панче било возено низ Скопје да ги фати убијците на Панче, со што до убиството на Вања немало да дојде. ВМРО-ДПМНЕ бара Спасовски да понесе одговорност, а со него и СДС М зашто го уништиле системот.