Арсенал повторно е во „пол-позиција“ во трката за потписот на српскиот фудбалер Душан Влаховиќ од Јувентус, пренесуваат англиските медиуми.

Се дознава дека лондонскиот клуб е подготвен да ѝ плати на Старата дама на лето 40 милиони евра за услугите на напаѓачот.

Влаховиќ го загуби местото во стартните 11 со доаѓањето на Коло Муани од Пари Сен Жермен.

Па, раководството на италијанскиот клуб сака да врати дел од вложените пари при доаѓањето на 25-годишниот играч од Фиорентина, а понудата на Арсенал е половина од 80-те милиони платени оттогаш.

Досега оваа сезона во Серија А Влаховиќ за Јуве запиша осум голови во 19 настапи.