Пробајте ги овие вкусни и крцкави крекери кои брзо се подготвуваат и се многу поздрави од купечките полни со заситени масти и прости јаглехидрати.

Потребни состојки:

– 75 гр овес
– 100 гр интегрално или пченично брашно(во зависност од брашното, може ќе треба да го регулирате количеството на вода)
– 5 мл маслиново масло
– вода
– сол, црн бибер
– 30 гр пармезан и зачини (по желба)

Подготовка:

Измешајте го овесот и пченичното брашно, додадете сол и бибер по вкус. Додадете го маслиново масло и направете тесто. Додадете вода, околу четири лажици, за да можете убаво да замесите и да го развлечете тестото. По желба, можете да додадете и малку рендан пармезан и различни зачини. Загрејте ја рерната на 180 степени. Расукајте го тестото, исечете ги крекерите и наредете ги во плех. Прободете го секој крекер малку со вилушка и премачкајте го со маслиново масло. Печете 15 минути.

На здравје!

Извор: „N1“