Викторија Спенџарска Стин ни носи несекојдневен десерт: Чизкејк со лимета и зелена мача
Викторија Спенџарска Стин е мајка на слатките Љубљана и Емона, активист во неколку невладини организации и поборник за здрав начин на живот.
Препорачано
Оваа прекрасна жена стои зад инстаграм-профилот @vegan_viki_, кој ќе ве освои од прва со шаренилото и веднаш ќе посакате да рекреирате некој од нејзините здрави рецепти.
Денес, споделуваме еден интересен и несекојдневен десерт, кој нѐ освои од прва – чизкејк со лимета и зелена мача.
Состојки потребни за базата:
- 4-5 урми
- 2 сушени кајсии
- 1/3 шолја бадеми
- 2 лажици стопено кокосово масло
Состојки потребни за филот:
- 1 шолја индиски ореви (отстоени во вода барем неколку часа или преку ноќ)
- 1/3 шолја кокосов крем (тврдиот дел од конзервата)
- сок од 1/2 лимета
- 3 лажици јаворов сируп
- 1/2 лажичка зелен мача чај (доколку сакате поинтензивен вкус, ставете повеќе мача)
View this post on Instagram
Подготовка:
Во блендер или процесор за храна се пулсираат сите состојки за базата, додека се добие леплива смеса, која се става во силиконски модли за мафини. Се блендираат и состојките за филот да се добие кремаста структура и се дополнуваат модлите. Може да се декорира по желба, јас користев тенко сечени парчиња лимета и семе од коноп. Се остава во замрзнувач минимум 2 часа убаво да се стегне.
