Откако Владата го утврди текстот на новиот Предлог-закон за средно образование, сега на ред е Собранието. Редно беше да се направат реформи во образовниот систем, бројни недостатоци испливаа на површина од старата законска рамка, очигледно новите генерации не можат да учат во некогашниот систем-вели за „Слободен печат“ на Слободна ТВ Анисија Угриновска, основач на ОДАС – организацијата за дијалог и афирмација на средношколците и студентите. Според неа иако средношколците учествувале во подготовката на листата за потребни промени на Законот за средношколци, ОДАС не бил вклучен.

Угриновска вели дека оваа иницијатива е одлична и дека повеќе од редно време беше за тоа, но смета дека процесот не бил транспарентен.

– Сметам дека процесот за донесување на Предлог-законот не беше транспарентен, поради тоа што ние како средношколска организација која изминатиов период многу се залагаше со документи и со контакт со институциите не бевме вклучени. Беа вклучени само одбрани страни, а не како што законот вели сите засегнати страни – рече Угриновска.

За тоа зошто не биле вклучени, Угриновска нема одговор, смета дека МОН треба да даде одговор на ова прашање. Тврди дека во државава за сè се реагира реактивно, а не проактивно и навремено.

ВИДЕОИНТЕРВЈУ | Мухамед: Средношколците од внатрешноста на покомплициран начин аплицираат за финансиска помош од државата

ОДАС неодамна издаде „Анализа на законска регулатива на млади“.

– Направивме анализа на сите закони кои ги вклучуваат младите во Македонија, средношколците, студентите и сите млади до 29 години. Ова беше мошне потребна анализа која не сме ја имале досега во државата. Многу ретко младите не се информирани и за жал тоа не е на ничија друга сметка, туку на нивна, само на нив им штети. Неинформираноста на младите доведува до нивно користење на пример во предизборната кампања – појаснува Угриновска.

Погледнете го во продолжение целиот разговор со нашите гости Анисија Угриновска, основач на ОДАС  и Берин Мухамед, претседател на Сојузот на средношколци: