ВИДЕОИНТЕРВЈУ | Скерлев: Англичаните на пат да станат првата непушачка нација во светот
![](https://www.slobodenpecat.mk/wp-content/uploads/2024/03/DAD_9033_edit_97288965099737-scaled.jpg)
Британската владата предлага од 2027 година никој под 18 години да не може да пуши, земјата се стреми кон тоа да воведе комплетна забрана за пушење на цигари, вклучително и електронски цигари за сите.
Ако помине овој закон Британија ќе стане првата земја која вовела една од најстрогите анти-пушачки мерки во светот, вели за „Слободен печат“, Жанета Скерлев, дописничка и колумнистка од Лондон.
-Доколку се усвои овој закон Велика Британија ќе се запише во историјата како првата земја која создала прва непушачка генерација во современото општество. Ако се оди како што е планирано премиерот Риши Сунак сака да го забрани пушењето воопшто. Нашите премиери овде сите се познати по нешто, некој по лошо, а некој по добро. Сунак очигледно сака да биде познат и да остави трага во историјата дека го забранил пушењето во Велика Британија и да создаде прва генерација на непушачи – вели Скерлев.
Со оваа одлука сите што се родени по 1 јануари 2009 година нема да смеат да запалат цигара, додава Скерлев.
Целта е да се подобри здравјето на луѓето, но аналогно на тоа оваа законска регулатива предвидува и стабилизирање на економијата во земјата.
ВИДЕОИНТЕРВЈУ | Д-р Петровски: Никотинските бомби „снус“ и „вејп“ не се за малолетници
-Стручните лица велат дека годишно се губат 17 милијарди годишно се губат поради разни болести поради пушењето. Сето тоа се одразува и врз економијата и врз здравствениот систем кој и онака е оптоварен, а дополнително би бил ако луѓето продолжат да пушат – рече Скерлев.
Таа објаснува дека се предвидени и високи казни во случај Парламентот да го усвои овој предлог закон како за производителите така и за трговците, но и за пушачите доколку бидат фатени.
ВИДЕОИНТЕРВЈУ | Јанаки Митровски: На „Конопфест“ ќе има натпревар по „ролање“, но не канабис
Целиот разговор погледнете го во продолжение: