фото: EPA-EFE/DAVID BORRAT

ВИДЕО | Жирона на Миовски реди порази, следува борба за опстанок во Ла Лига

Денеска во 32 коло од најсилното шпанско фудбалско првенство екипата на Жирона загуби дома од Бетис со 3:1.

Ова е веќе четврти пораз во низа за Жирона која моментно е на 16 позиција со 34 бодови и во следниот период ќе води борба за опстанок во елитата.

Македонскиот репрезентативец Бојан Миовски иако беше на клупата за резервни играчи во Жирона, не доби минутажа.

Гостите поведоа веќе во шестата минута со голот на Кардосо, во 39 минута за зголемување на предноста се погрижи Антони, а во 42 минута Иско стрелаше за 3:0.

Конечниот епилог беше поставен во 85 минута кога домаќините го ублажија поразот преку Стуани.

Бетис после 14 победа сезонава во Ла Лига е на шестата позиција со 51 бод.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот