Балканската музичка ѕвезда Здравко Чолиќ е еден од омилените пејачи од нашите простори, а минатата година во медиумите беше објавено дека поседува недвижност и во Хрватска.

Еден од најголемите музичари во регионот, Здравко Чолиќ поседува неколку имоти, а минатата година во јавноста стигна веста дека купил стан во Пула. Чолиќ се одлучил за стан во пристаништето Веруда, во една од зградите кои во моментот се градат во склоп на атрактивниот и скап проект лоциран на границата меѓу пристаништето и Пјешчаната Увала, објави минатата година „Истарски.хр“.

Станува збор за пет згради лоцирани на ридот над пристаништето што се надвиснува над заливот и од кои, дури и од пониските катови, се пружа поглед кон бродовите и глисерите… Тоа е еден од најголемите и најскапите станбени проекти во Пула во последно време, а цената на становите е околу 5.500 евра за метар квадратен. Со оглед на тоа што во понудата има и големи станови, крајните износи во некои случаи ќе изнесуваат и над половина милион евра.

Планирано е да се изградат околу 150 станови распоредени во пет згради.

Чолиќ лани имаше концерт во арената во Пула, што многумина го поврзаа со фактот дека во овој град посакал да има стан.

Ќерката на Здравко Чолиќ украла 20 000 евра од дома за да му купи кола на момчето

ВИДЕО | Здравко Чолиќ откри дека Дино Мерлин му напишал три песни за новиот албум: Тој е голем професионалец, пријател и уметник