На социјалната мрежата „Икс“ е објавено видео од балерини кои минуваат низ мала празнина помеѓу две дрвени шипки, а видеото што со описот „стандард за половината на балерина“ има 9,7 милиони прегледи.

Видеото предизвика лавина коментари на темата кои стандарди треба да ги исполнуваат балерините.

The standard for ballerina waists.

pic.twitter.com/Zw3BZ1uD7c

— Figen (@TheFigen_) September 17, 2024

„Само се надевам дека се среќни“, „Стандардот на концептот за половината на балерина е историски поврзан со традиционалните очекувања за балетот, т.е. витката фигура, која често го промовира таканаречениот идеал за тенкост“, коментираа под видеото, што собира сѐ повеќе и повеќе прегледи.

Колку се високи и тешки балерините?

Децата обично почнуваат да вежбаат балет на возраст од четири до осум години, а на подготвителните курсеви можат да учествуваат од тригодишна возраст.

Повеќето балерини се високи меѓу 160 и 172 см, а идеалната тежина треба да биде помеѓу 40 и 58 килограми, во зависност од тежината на мускулите и коските.

Како екстремен пример се издвојува Рут Лујан, поранешна мексиканска балерина, со обем на половината од неверојатни 30 сантиметри.

Балерините имаат и посебен режим на исхрана. Светлана Захарова, висока 158 сантиметри и тешка 49 килограми, воопшто не јаде сол, додека појадокот и е житарка измешана со вода. Многу руски балерини ја следат оваа диета.

Познатата Маја Плисечка не пиеше кафе, избегнуваше производи со глутен, месо, млечни производи, јајца и шеќер. Некои танчери дури и не јадат одредени видови на овошје и зеленчук, како домати или банани, пишува „Жена.блиц“.