Кошаркарите на Лос Анџелес клиперс го совладаа Денвер нагетс со 117:83 во третиот натпревар од првата рунда од НБА плејофот во Западната конференција.

Најефикасен играч во победничкиот тим беше Кавај Ленард со дабл-дабл учинок од 21 поен, 11 скокови и шест асистенции.

Српскиот репрезентативец Никола Јокиќ во редовите на Нагетс постигна трипл-дабл на крајот од третата четвртина, запишувајќи 23 поени, и по 13 скокови и асистенции.

Тимот што ќе постигне четири победи ќе се пласира во полуфиналето на Западот. Следниот натпревар е закажан за ноќта помеѓу сабота и недела, на полноќ по средноевропско време, повторно во Лос Анџелес.

Победникот од дуелот Денвер-Клиперс ќе игра во следната рунда од плејoфот против Оклахома или Мемфис. По три натпревари, Оклахома води со 3:0.