Во рамките од второто коло во најквалитетниот кипарски фудбалски шампионат еден неверојатен натпревар со дури 10 голови, одиграа екипите на АЕК Ларнака и Етникос Ахна (5:5).

Дури осум голови беа постигнати во текот на првото полувреме, поранешниот македонски репрезентативец Иван Тричковски за АЕК Ларнака во 30 минута успеа да израмни на 3:3.

Тричковски, кој девет години го носи дресот на АЕК Ларнака, во новата сезона од тамошното првенство го запиша првиот гол во вториот настап.

Нашиот напаѓач настапи до 85 минута, кај гостите од 51 минута во игра влезе Стефан Спировски, додека голманот Мартин Богатинов остана на клупата за резервни играчи.

Во следното коло АЕК Ларнака на 2 септември ќе гостува кај Докса, додека Етникос Ахна истиот ден ќе го пречека Отелос Афиену.