Во 29 коло од најсилното кипарско првенство составот на АЕК Ларнака денеска со резултат 2:2 ремизираше со АПОЕЛ.

Гостите водеа со 1:2 во текот на натпреварот, но нашиот напаѓач Иван Тричковски донесе бод за домаќините со погодок во 88 минута.

За поранешниот македонски репрезентативец ова е 10 гол сезонава во шампионатот во својот 21 настап.

На табелата АЕК Ларнака е на третата позиција со 58 бодови, четири помалку од водечкиот АПОЕЛ, а меѓу нив на второто место е Арис (60).

Во следното коло АЕК Ларнака на 11 април ќе му гостува на четвртопласираниот во генералниот пласман, Пафос (52).