Камила Кабело ѝ приреди на една од своите обожавателки свадба од соништата пеејќи го својот хит „First Man“ пред емотивниот танц меѓу невестата и нејзиниот татко, пишува „Пипл“.

Неверојатниот гест се случи откако 28-годишната поп-ѕвезда случајно ја сретна идната невеста Кели во хотелски бар во Ајова, само еден ден пред нејзината свадба.

Целиот настан стана вирален благодарение на братучедот на невестата, кој сподели видео од трогателниот момент на TикТок.

@touryoursc Camila Cabello recently met a fan at a hotel, and the next day, she attended their wedding to sing for their father-daughter dance 🥺 “Camila Cabello conheceu minha prima em um bar de hotel e apareceu no casamento dela no outro dia para cantar a música de dança entre pai e filha ‘First Man’”. 🥹❤️ #camilacabello #viral #fyp #fy ♬ som original – yours c tour

„Камила Кабело се сретна со мојата братучетка во хотелскиот бар и се појави на нејзината свадба следниот ден за да ја отпее песната за танцот татко-ќерка!!!“ напиша тој покрај видеото.

Во претходна објава, член на семејството напиша: „Камила Кабело се појави на свадбата на мојата братучетка синоќа во Ајова… Ова дури и не звучи како реален живот!“

Потоа следеше објава: „Ќе ја оставам Камила самата да ви ја раскаже приказната“, по што следеше видео од пејачката како им се обраќа на гостите.

Камила, облечена во елегантен црн фустан, им објасни на гостите како дошло до овој необичен настап. „Вчера бевме во нашиот хотел и наидов на Кели и нејзиното семејство, а таа рече: „Погоди што! Танцот татко-ќерка е на твојата песна „First Man“. Го запознав нејзиното семејство, го запознав нејзиниот неверојатен татко Мајк“, започна пејачката.

„И ‘First Man’ е навистина посебна песна за мене бидејќи е песна што ја напишав за мојот татко и моментот кога се мажам. Сè уште не сум мажена, но…“ сподели таа со смеа. „Некако го планиравме ова и беше мала работа што ја составивме во последен момент и навистина ми е чест што сум дел од овој момент за тебе, Кели“, додаде таа.

Пред да запее, таа рече: „Јас сум татково девојче и чувствувам дека твојот татко, ако имаш среќа, е твојата прва љубов, твојот прв херој и тој е човекот кој на некој начин ја поставува сцената за следниот маж во твојот живот“.

Трогателниот момент се случи веднаш откако пејачката го прослави крајот на својата турнеја на Фејсбук. „Најдобро лето досега“, напиша таа, заблагодарувајќи им се на сите што беа дел од турнејата и најавувајќи ја работата на нејзиниот нов, петти албум.