ТФТ не успеа да се „подигне“ по стартниот пораз од Пелистер во македонскиот дуел, денеска немаше решенија за играта на екипата на Сутјеска Никшиќ во рамките од второто коло во АБА 2 лигата (69:99).

Особено тешко екипата од Тафталиџе играше во фазата на нападот, за што говорат и само 13 реализирани поени во првиот период, и осум за скоро осум минути во втората четвртина. Во 18 минута црногорскиот претставник имаше и двоцифрено водство од 32:21, нешто потоа и најголеми 37:21.

Очајни 1/14 во шутот за три поени (Костоски и Андерсон заедно 0/9) имаше нашата екипа во тоа прво полувреме во кое не се пронајдоа себеси, а заврши со слична негатива за ТФТ, (25:41).

ТФТ скоро го „репризираше“ оној прв нивни натпревар на турнирот. Се доведоа момците на тренерот Боро Смилковски во уште поголем минус во третата, а го намалуваа во онаа последната. Но сепак, далеку од идеално го завршија првиот престој на Златибор.

Кај стрелците во победничките редови доминираше Копривица со 27 поени (шест скокови), а на спротивната страна МекБрејер реализираше 16 коша.