Актерот Стивен Сигал присуствуваше на денешната парада во Москва по повод Денот на победата над фашизмот, а беше забележан во кадарот за време на преносот во живо како ја гледа парадата на тенковите од Втората светска војна.

Неговото појавување на парадата не е изненадување со оглед на тоа што холивудскиот актер е долгогодишен поддржувач на рускиот претседател Владимир Путин, па дури и се приклучи на партија блиска до Кремљ. Сигал официјално е руски државјанин од 2016 година, а ја има и функцијата специјален претставник на руското Министерство за надворешни работи за хуманитарни односи меѓу Русија и Соединетите Американски Држави.

Сигал никогаш не ја криел својата поддршка за рускиот претседател Владимир Путин, нарекувајќи го „еден од најголемите светски лидери, ако не и најголемиот, кој е жив денес“.

Во 2023 година, Путин му го додели Орденот за пријателство.

📹Steven Seagal spotted enjoying the parade pic.twitter.com/23XKbiaj8s

— Sputnik (@SputnikInt) May 9, 2025