Фудбалерите на Тотенхем убедливо славеа над Лестер со 6:2 (2:2) во последниот натпревар од саботната програма во Премиер лигата.

Хјунг Мин Сон го започна мечот од клупата, влезе во игра во 59 минута, а потоа во рок од 15 минути постигна три гола. Беше стрелец во 73, 84 и 89 минута од средбата.

Пред него за Тотенхем погодуваа и Кејн во осмата минута, Дајер во 21, како и Бентанкур непосредно пред паузата.

На спротивната страна за Лестер стрелци беа Тилеманс од пенал во шестата минута, а стрелец беше и Медисон во 41.

Со овој триумф составот на Антонио Конте се израмни на првото место со Манчестер сити, и двете екипи освоија 17 бодови од седум натпревари. Лестер остана на самото дно во генералниот пласман со само еден бод.

Немаше победник на дуелот Њукасл – Бурнмаут (1:1), одложен е мечот Брајтон – Кристал палас поради штрајк, а Манчестер сити славеше кај Вулверхемптон со 0:3.