Група агенти на американската Гранична патрола во неделата во Чикаго бркале и не успеале да стигнат човек, кој им избегал на велосипед, јавија американските медиуми.

Според извештаите, човекот ги исмејувал полицајците и постојано им повторувал дека „не е државјанин на САД“.

Снимката од брканицата во блокот од 300 метри на улицата „Норт Дирборн“ ја снимил Кристофер Свит, кој рекол дека агентите го бркале велосипедистот откако тој „дал вербални коментари, но без физички или заканувачки контакт“.

На видеото се гледа како велосипедистот постојано им повторува на агентите: „Јас не сум државјанин на САД“ и „Ајде“. Во еден момент, изгледа дека му паѓа телефонот од џебот, а се слуша како еден од агентите му дофрла: „Ти падна телефонот“. Додека велосипедистот го зема телефонот, неколку агенти се стрчуваат кон него, а тој како на филм успева да им побегне на 20-тината полицајци кои го бркаат.

Десетици федерални агенти беа забележани низ центарот на Чикаго во неделата.

Оваа демонстрација на сила доаѓа откако претседателот Доналд Трамп повеќепати се закани дека ќе испрати федерални агенти во Чикаго, но и во дузина други големи американски градови, во наводен обид да го заузда криминалот.