На повеќето натпревари, како и свечени настани ширум светот, правилото е гостите да добиваат таканаречени торби со подароци, односно пакети за изненадување со низа подароци, кои најчесто ги обезбедуваат спонзорите. Олимписките игри не се исклучок, а данската ракометарка Елтија Рајнхарт објави видео на TикTок во кое ја откри содржината на овој пакет.

Млада Данка покажа дел од интересните подароци кои ги добила по пристигнувањето на Олимписките игри. На самиот почеток, Елтија покажува црна платнена чанта со логото на Олимпијадата и од неа вади подарок картичка од „Самсунг“, а потоа комплет за патување со колоритен принт инспириран од олимписките мотиви со низа козметички производи за кожа, коса и заби.

@altheareinhardt Thank you @paris2024 #olympics #olympian #paris2024 #olympicunboxing #denmark #olympicspirit #handballplayer ♬ Get Ready – Steve Aoki Vocal Radio Edit – 2 Unlimited

Во торбичката има и пластично шише за вода во сино-црна боја, како и светло црвен термос. Сепак, последниот подарок што го покажа беше навистина вистинско изненадување и сосема неочекувано.

Имено, ракометарката извадила црна кутија од „Самсунг“, а во неа сосема нов телефон Samsung Z Flip6, чија цена во слободна продажба е околу 1.200 евра.

Организаторите истакнаа дека кесите со подароци се поделени само на оние кои престојуваат во Олимпиското село и додадоа дека телефонот припаѓа на ограничена серија, односно е украсен со логото на Олимпијадата и доаѓа со E-SIM со 100 GB интернет и неограничени повици и пораки.

„Ова ќе им овозможи на спортистите да останат поврзани со пријателите и семејството за време на Игрите“, се вели на веб-страницата на организацијата.