Фудбалерите на Баерн Минхен остварија убедлив триумф од 0:5 на гостувањето кај Штутгарт во рамки на 16 коло од Бундеслигата.

На „Мерцедес Бенц Арената“ во Штутгарт блескаше Серж Гнабри кој постигна хет-трик  и имаше две асистенции, додека останатите два гола беа дело на Роберт Левандовски.

Резултатот го отвори Гнабри во 40 минута, а на стартот од вториот дел зголеми на 0:2. Потоа на сцена стапи Левандовски со два брзи гола, во 69 и 72 минута. Точка на натпреварот стави Гнабри во 74 минута.

Ова беше 13 победа за Баерн Минхен во Бундеслигата и сега има 40 бода, дури девет повеќе од Борусија Дортмунд која има натпревар помалку.