Кога избираме ресторан за вечера, го земаме предвид менито и амбиентот што го нуди местото. Меѓутоа, сопственик на еден ресторан во Јапонија одлучил покрај секојдневното мени, да промовира контроверзна понуда „шлаканици пред послужување“ и со тоа привлекол многу посетители, пишува „Индијанекспрес“.

Сопственикот на еден од рестораните наречен „изакаја“ (izakaya) дошол до необичната идеја за да привлече што повеќе посетители и на тој начин да се спаси од банкрот.

Fancy a slap-up meal? Waitresses at #Japanese restaurant charge £1.60 to slap you in the face (and it’s a huge hit!), at an eatery in #Nagoya, #Japan pic.twitter.com/9718gNpCzE

— Hans Solo (@thandojo) December 5, 2023

Во понудата на ресторанот вовел шлаканица за гостите пред послужување. Иако можеби изгледа чудно, необичната идеја наишла на изненадувачки добар интерес.

Услугата станала толку популарна кај локалното население и туристите што сопственикот на крајот ангажирал неколку девојки за да им удрираат шлаканица на оние што го сакале.

Сепак, шлаканиците не биле бесплатни. Една шлаканица чинела 100 јени (близу 60 центи), но доколку гостите сакале одредена девојка, шамарот ги чинел петпати повеќе.

Неодамна видеата од ресторанот повторно се најдоа на интернет и предизвикаа возбуда, но и негодување кај луѓето.

Сопственикот на крајот одлучил да ги повлече шлаканиците од своето мени и да се врати на „класичната“ понуда.

„Ресторанот ‘Шчихоко’ во овој момент не нуди шамари. Го цениме вашиот интерес, но не можеме да прифатиме посети со намера да ви удриме шамар. Не очекувавме старите видеа да станат вирални, затоа ве молиме разберете“, се вели на официјалниот профил на социјалната мрежа Икс.

Shachihoko-ya currently does not offer slaps. We appreciate the attention it has received today, but we cannot accommodate visits with the intention of receiving slaps. We didn’t expect old videos to go viral like this, so please understand before comming. pic.twitter.com/Xd30LjNTpk

— しゃちほこ屋通信 (@shachihokoya) November 29, 2023