фото: Elijus Kniezauskas/FCHegelmann

ВИДЕО: Шкупи со 5:0 го декласираше литванскиот Хегелман во Конференциската лига

Шкупи со една нога е веќе во второто коло од квалификациите на Конференциската лига, денеска македонскиот претставник со убедлив резултат 0:5 го совлада Хегелман на гостувањето во Литванија. Чаирчани беа пресилни за противникот кој дебитира на европската клупска сцена.

Одлични перформанси денеска имаше интернационалецот од Јамајка, Реналдо Цефас кој четирипати се запиша во листата на стрелците на теренот во Каунас.

Сефас најпрво донесе водство во 11 минута по асистенцијата на Дуду, па предноста беше зголемена во 23 минута со погодокот на Бразилецот Куевен, а асистент беше Тимовски.

Непосредно пред паузата за 0:3 се погрижи Сефас (45+1`), а останатите два гола ги реализираше во 56 и 62 минута од средбата.

Реваншот за играчите на тренерот Џихат Арслан во Скопје на 20 јули на Националната арена „Тодор Проески“ од 21.00 часот треба да биде само потврда за пласманот во второто коло каде чека Левски Софија од Бугарија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот