Познатата актерка Шерон Стоун и нејзиното семејство живеат во страв од маж кој опсесивно ја демне актерката. Последните две години тој се обидува да стапи во контакт со неа без престан.

Шандор Борош, поранешен унгарски ветеран од специјалните сили кој живее во Лондон, тврди дека имал син со Шерон Стоун во 1986 година, пишува „Дејли мејл“.

Шерон Стоун (64) беше една од најпопуларните актерки во 1990-тите, а нејзиното семејство е во паника откако Борош почнал да ја демне. Последен пат ѝ испратил мејл на 15 октомври, во кој напишал дека се обидува да ја дознае нејзината адреса така што ќе ги најде членовите на нејзиното семејство и ќе ги праша за неа.

Семејството најмило приватен детектив Пол Барези, кој тврди дека мажот што ја демне е „опседнат и ментално болен“ и бил снимен на камера пред куќата на нејзината 62-годишна сестра Кели во мај оваа година.

– Ја демне последните две години. Неодамна тој се појавил прво кај нејзината мајка, па кај нејзиниот брат, па кај нејзината сестра. Тоа беше нешто планирано, имаше мисија. Ова предизвика загриженост кај Шерон и нејзината мајка, која има 90 години, како и нејзината сестра и брат. Сите беа на мета. Неговата агресивност и страсна желба за неа уште повеќе се засилиле – открил детективот.

Човекот во мејловите додал дека од 1987 година Шерон му била свршеница и дека во 1986 година добиле момче.

– Се викаше Џејсон Стоун. Имаше неколку месеци кога, за жал, загина во несреќа. Би сакал да разговарам со Шерон за ова“, напишал тој меѓу другото, а потоа додал:

– Се обидувам да контактирам со нив бидејќи навистина сум очаен да го најдам мојот син. Го добивме во 1986 година, а потоа беше убиен. И не се шегувам, навистина сум сериозен. Немам потврда за смрт, ништо, па тоа е чуден случај, но прилично сум сигурен дека знаат сè.

ВИДЕО | Со солзи во очите Шерон Стоун откри дека изгубила половина од своето богатство

ФОТО | Секси и на 65 години: Шерон Стоун позира во минијатурно бикини