Црвена звезда ќе ја бара шансата во Лига Европа/Фото: EPA-EFE/ANDREJ CUKIC

ВИДЕО: Шериф спречи дуел меѓу Црвена звезда и Динамо Загреб

Започнаа реванш натпреварите од третото квалификациско коло во Лигата на шампионите, а први патници во плеј-офот се Шериф Тираспол и Ференцварош.

На првиот дуел во Белград ремизираа екипите на Црвена звезда и Шериф Тираспол (1:1), а на вечерашната возвратна пресметка во Молдавија славеше домаќинот со 1:0.

Единствениот погодок се случи непосредно пред паузата, Кастанеда изведе слободен удар, а највисоко скокна колумбискиот интернационалец Арболеда кој со глава ја испрати топката во мрежата на Борјан.

На тој начин Молдавците спречија голем екс ју двомеч помеѓу Црвена звезда и Динамо Загреб. Хрватите вечерва од 21.00 часот гостуваат во Полска кај Легија (1:1, прв натпревар).

Унгарскиот Ференцварош во Чешка ја одбрани предноста од 2:0 од првите 90 минути против Славија Прага. Чесите успеаја единствено да триумфираат со 1:0 со погодокот Масопуст во 36 минута, што не беше доволно за пласман во следната фаза.

Црвена звезда и Славија Прага го продолжуваат меѓународниот настап во плеј-офот на Лига Европа.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот