Во трејлерот на документарниот филм „Јас сум: Селин Дион“, кој ќе се емитува на 25 јуни, познатата пејачка искрено проговори за своите здравствени проблеми и дијагноза, ретка состојба која ѝ беше дијагностицирана во декември 2022 година.

Селин Дион ја користи оваа прилика за првпат детално да зборува за целиот процес. Имено, во еден кадар од трејлерот пејачката скршена и во солзи разговара за нејзината борба со синдромот на вкочанета личност.

Зборувајќи за тоа колку нејзиното здравје влијаело на нејзината кариера, Селин пред камерите ги опишува нејзините достигнувања и колку ѝ недостасува сцената.

„Секој ден, морам да признаам, тоа е борба“ – вели оваа музичка дива, додека видеото покажува колку всушност ѝ е потребна помош за да се движи.

Кон крајот на трејлерот пејачката низ солзи вели: „Ми недостигате многу. Луѓе, ми недостигате. Ако не можам да трчам, ќе одам. Ако не можам да одам, ќе ползам.“

ФОТО | Среде борбата со тешката болест: Селин Дион се појави на годинашните награди Греми