ВИДЕО: Се степаа патници во авион на Рајанер поради седиште до прозорец
Брутален ќотек изби меѓу патниците на летот Малта-Лондон на Рајанер, а видеото од паниката во авионот го обиколи интернетот.
Двајца мажи биле фатени како се тепаат додека останатите патници во авионот останале запрепастени од сцената која ја гледале пред себе.
Кога сфатиле што се случува, некои од нив се обиделе да ги раздвојат двајцата гневни мажи, кои излегле од контрола.
Според Дејли Мејл тепачката започнала кога едниот не го пуштил другиот да помине до прозорското седиште.
„Британецот не го пушти Американецот да дојде до неговото прозорско седиште, а потоа разменија неколку навреди пред да избие тепачка“, рече еден патник.
„Летот беше одложен најмалку два часа. Сите се изнервираа “, рече другиот патник.