Поранешните членови на музичката група „Битлси“, Пол Макартни и Ринго Стар повторно се обединија за да ја снимат најновата преработка на нивната песна „Let it Be“ (1970), заедно со легендарната Доли Партон.

Покрај Макартни и Стар, на преработката работеа и британскиот музичар Мик Флитвуд, тапанар и основач на групата „Флитвуд Мек“, и познатиот гитарист Питер Фрамптон, пишува „Гардијан“.

„Зарем има нешто подобро од тоа да се пее ‘Let it Be’ со Пол Макартни, кој и ја напиша песната? Не само тоа, туку тој свиреше и на пијано. А нештата станаа уште подобро кога Ринго Стар ни се придружи на тапани, Питер Фрамптон на гитара, а Мик Флитвуд на перкусии“, напиша Партон во објавата за преработката.

Does it get any better than singing “Let It Be” with @PaulMcCartney who wrote the song? Not only that, he played piano! Well, it did get even better when @ringostarrmusic joined in on drums, @peterframpton on guitar and @MickFleetwood playing percussion. I mean, seriously, how… pic.twitter.com/is2qsMgM5X

— Dolly Parton (@DollyParton) August 18, 2023

„Доли, ти благодарам што ја преработи мојата песна. Ми се допаѓа твојата верзија и многу ми е драго што ја направив преработката со тебе“, ѝ одговори Макартни.

Thanks Dolly for doing my song. I love your version and am very pleased to be by your side on this one. Rock on! Love Paul x https://t.co/Ra13gzgqpN

— Paul McCartney (@PaulMcCartney) August 18, 2023

Двајцата поранешни членови на „Битлси“ соработуваа во последните години. Тие работеа заедно на песните на Стар „Here’s to the Nights“ и „We’re on the Road Again“, но досега ретко настапуваа заедно на преработки на песни од „Битлси“.

Преработката на „Let It Be“ е најновиот сингл од претстојниот албум на Доли Партон – „Rockstar“.