Ненад Димитријевиќ го одигра до сега својот најдобар меч во текот на оваа сезона која полека влегува во својот финиш.

Македонскиот репрезентативец беше најзаслужен што екипата на Уникс пред својата публика во Казан го доби петтиот натпревар од полуфиналната серија против Зенит со 78:63.

Доволно за ново водство во серијата од 3:2 која се враќа во Санкт Петерсбург.

За 35 минути на теренот, нашиот бек постигна 32 поени (3/6 за три, 6/10 за два, 11/11 од линијата за слободни фрлања). Имаше и по шест асистенции и скока, кои го прават играч на натпреварот.

Шестиот дуел во оваа серија во ВТБ лигата ќе се игра в сабота, а домаќин е Зенит.