ВИДЕО | Продолжи драмата на аеродромот во Хамбург, вооружен Турчин ја држи ќерката како заложник
Во тек е трилерот на аеродромот во Хамбург, во кој вооружен татко ја држи во заложништво својата 4-годишна ќерка од саботата вечер.
Германските медиуми јавуваат дека напаѓачот е 35-годишен маж со турско потекло од Долна Саксонија. Тој наводно имал спор околу старателството со мајката на детето и го киднапирал девојчето во саботата попладне. Билд пренесува дека мажот сака да отпатува со неа во Турција со авион.
Ongoing ! Fire on the tarmac at Hamburg Airport, Germany !! The #Hamburg Airport has been closed after a man with a gun crashed through a gate with his car and continued driving to the tarmac. No take offs and landings at the Airport now. pic.twitter.com/nOAH21f0l9
— flyer737777 (@Flyer737777) November 5, 2023
Мајката претходно повикала полиција и пријавила киднапирање на детето. Мажот испукал два истрели во воздух и фрлил молотов коктел, изјави портпаролот на федералната полиција.
Bewaffneter rast auf Vorfeld: Amok-Alarm am Hamburger Flughafen! Die Polizei ist im Großeinsatz https://t.co/rt7tSPSdMQ #Amok #Hamburg #Flughafen pic.twitter.com/nFbOgxb9Rm
— Marco Zitzow (@MarcoZitzow) November 4, 2023
Авиосообраќајот на аеродромот во Хамбург беше веднаш запрен , соопшти полицијата, додека терминалите беа затворени и десетици летови беа откажани.
Според локалните власти, сообраќајот на аеродромот во Хамбург остана во прекин. Полицијата соопшти дека психолог разговара со мажот и нема индикации дека може да им наштети на други луѓе.
„Полициската операција продолжува, авиосообраќајот останува во прекин до понатамошно известување“, соопшти управата на аеродромот утринава на платформата X (поранешен Твитер).
