Тимбаленд е продуцент чиј звук ги одбележа 2000-тите, а неговите музички соработки со Нели Фуртадо и Џастин Тимберлејк се нешто што раѓа носталгија кај сите оние кои биле фанови на нивната музика во тој период.

Шеснаесет години по објавувањето на нивниот голем хит „Give It to Me“, со кој успеаја да се искачат на првото место на топ-листата „Билборд Хот 100“, познатото трио ги изненади обожавателите со нова песна – „Keep Going Up“.

„’Keep Going Up’ е тука! Сега е достапна на сите платформи“, напиша Фуртадо во објавата за новата песна, која, на некој начин, е нејзино враќање на сцената.

Иако сѐ уште не е снимен видеозапис за песната, тие објавија видео со кратки сегменти од процесот на создавање на песната.

Интересно е дека во новата песна има и референца од песната „Promiscuous“, со која Тимбаленд и Фуртадо имаа неверојатен успех во 2006 година.

Таа песна започнува со стиховите: „How you doing, young lady? That feeling that you giving really drives me crazy“, а во новата песната Тимбаленд изговара: „How you been young lady? Does the feeling still drive you crazy?“.

ВИДЕО | Танцот на Џастин Тимберлејк стана вирален хит: По реакциите се огласи и пејачот