Ексцентричниот музичар и актер Џаред Лето (51) често ја шокира публиката со своите акробации на своите концерти. Овој пат истото го направи и на фестивал во Тексас каде што настапи со својот бенд „30 секндс ту Марс“.

На почетокот на концертот Џаред застана на висока платформа свртен кон публиката. Пејачот ги поздрави обожавателите, а потоа со раширени раце скокна кон нив.

Сепак, тоа беше банџи скокање, па Џаред беше сигурен дека ништо нема да му се случи. Неговиот перформанс ја шокираше и воодушеви публиката, но и бројните обожаватели на социјалните мрежи.

„Каков крал“, „Е, така се доаѓа на концерт“, „Навистина си храбар“,  беа дел од коментарите.

Инаку Џаред во слободно време се занимава се искачување, а во една пригода за малку ќе умрел поради овие екстремни подвизи, кога се качувал по карпите во кањонот Ред Рок.

Неодамна тој ги изненади и минувачите во Париз и Берлин кога почна да се качува на ѕид од зграда, но без заштитна опрема.

Во продолжение погледнете го видеото:

ВИДЕО | Бизарен подвиг на Џаред Лето: Во влечки се качи на ѕид од хотел