ВИДЕО: Почнува најголемата воена вежба на НАТО со 90 000 војници
НАТО мобилизираше околу 90.000 војници за воените вежби кои започнуваат во февруари и ќе траат околу четири месеци. Воената вежба наречена „Steadfast Defender“ ќе биде најголемата воена вежба на НАТО во последните неколку децении, изјави американскиот генерал Кристофер Каволи по состанокот на Воениот комитет на НАТО во Брисел, пренесува Дојче веле.
Exercise #SteadfastDefender24 will be the largest #NATO exercise in decades, with 90,000 forces from all 31 Allies &Sweden
With more than 80 air platforms including F35s, FA18s, Harriers, F15s, Helicopters & Unmanned Aerial Vehicles provided by 🇳🇴🇫🇮🇺🇸🇬🇧🇪🇸🇵🇱🇭🇺#Strongertogether pic.twitter.com/hteGCLTm9g
— NATO Air Command (@NATO_AIRCOM) January 19, 2024
Според врховниот командант на НАТО во Европа, подготовките треба да почнат веќе оваа недела. Поточно, од февруари до мај ќе се практикува алармирање и распоредување на национални и мултинационални копнени сили.
Вежбата ќе биде јасна демонстрација на кохезијата, силата и решителноста на НАТО алијансата за заемна заштита, рече Каволи.
„Алијансата ќе ја покаже својата способност да ја зајакне евроатлантската област со трансатлантски транспорт на војници од Северна Америка“, рече командантот на сојузничките сили за Европа, Кристофер Каволи.
Во јуни 2023-та година АНТО веќе одржа голема вежба на воздушните сили „Air Defender“ над германскиот воздушен простор. Тоа била најголема воена вежба на премесување на воздухопловните сили од основањето на НАТО. Учествувале 250 авиони и околу 10.000 војници од 25 земји.
NATO’s new defence plans will strengthen and modernise our force structure to protect and defend every inch of Allied territory
These plans will be tested and put to action during exercise #SteadfastDefender24 pic.twitter.com/HpEw7ftfEj
— NATO (@NATO) January 22, 2024
Најголемата вежба на НАТО од крајот на Студената војна до сега е организирана во 2018-та година со фокус на Норвешка. Учествувале околу 51.000 војници.
Последните воени вежби на НАТО кои биле поголеми од сега планираните биле одржани пред распадот на СССР во 1991-ва. Тогаш, меѓу другото, биле направени серија вежби „Return of Forces to Germany“. Тогаш биле вклучени околу 125.000 војници.