Комичарот Пит Дејвидсон проговори за својот љубовен живот и откри што мисли за неговата кратка врска со Ким Кардашијан. Пит гостуваше во шоуто „Сите живеат со Џон Мулејни“ (Everybody’s Live with John Mulaney) каде го прашаа како успева да ги освои сите познати убавици со кои излегува.

„За мене ти си просечен тип. Сакам да ја знам мистеријата. Беше со Ким Кардашијан…“ му рече комичарката Лунел, а Пит изгледаше малку згрозено откако го спомна името на риалити ѕвездата. „О, Боже“, рече тој пред да ја стави раката на лицето. Судејќи по неговиот израз, Дејвидсон се засрами кога се сети на врската со Ким, пренесува „Дејли мејл“.

„И со уште неколку други луѓе, сега си во врска со супермодел“, додаде комичарката, алудирајќи на неговата врска со Елси Хјует. Таа потоа му предложи да одат на состанок. „Мислам дека заради истражување и за жените ширум Америка, треба да ме изведеш на состанок“, му рекла таа.

„Ако тоа е она што е потребно за да се запре ова, да“, одговори тој низ смеа.

Пит и Ким почнаа да се забавуваат во октомври 2021 година, откако изведоа заеднички скеч на „Saturday Night Live“. Тие не ја криеја својата врска од јавноста, а често покажуваа колку се среќни заедно. Во текот на нивната врска, Ким неколку пати нагласи дека е среќна со Дејвидсон и дека „добро е чувството да се биде мирен“.

Двојката раскина по девет месеци врска, во август 2022 година. Сепак, тие останаа во добри односи по раскинувањето, а извори неодамна изјавија дека Пит „нема ништо друго освен љубов и почит кон Ким“.

Дејвидсон претходно се забавуваше со пејачката Аријана Гранде , со која беше свршен, познатите актерки Кејт Бекинсејл , Маргарет Квали и Фиби Дајнвор, а беше во врска и со манекенките Каја Гербер и Емили Ратајковски. Неодамна ја потврди врската со манекенката Елси Хјуит.