Фудбалерите на Барселона ја задржаа лидерската позиција во „Ла Лига“ со минималната победа на „Камп Ноу“ против Хетафе (1:0).

Единствениот гол се случи во 35 минута, гостите направија грешка на сопствената половина, по што следеше брза акција на каталонскиот гигант.

Рафиња го проигра Педри кој беше во налет, репрезентативецот на Шпанија одлично реагираше и стрелаше за триумф.

Во продолжение, ударот со волеј на Дембеле во 59 минута заврши покрај голот, додека во 85 минута Франк Кеси се најде пред голманот на гостите, но Давид Сорија спречи погодок.

Десет минути претходно, најдобрата шанса на Хетафе да избегне трет последователен пораз во шпанското првенство ја пропушти Мајорал.

Се одиграа уште два меча, Виљареал – Жирона (1:0) и Елче – Осасуна (1:1). На табелата води Барселона со 44 бодови, пред Реал Мадрид кој има 38.