Во рамките од 21. коло во Премиер лигата во терминот од 13:30 часот Челси успеа да слави минимална победа против Фулам со 1:0.

Човек на одлука беше Палмер кој во судиското продолжение од првиот дел ја реализираше најстрогата казна која ја изнуди Рахим Стерлинг.

Со овој триумф Челси успеа да врзе три победи во низа откако во претходните две кола избраниците на Покетино беа подобри од Кристал Палас и Лутон. Во овој момент „сините“ се на осмата позиција со 31 освоен бод, додека Фулам е 13-ти со 24 освоени бодови.

Веќе во следното коло Челси го очекува тежок испид против лидерот во Премиер лигата, Ливерпул и тоа на гостински терен.