Палестинскиот премиер Мохамед Штајех се расплака за време на состанокот на кабинетот на палестинските власти додека ја раскажуваше приказната за мајката чии деца биле затрупани под урнатините на Газа. Да потсетиме, израелската армија веќе еден месец жестоко бомбардира цели во Газа со цел да се одмазди за нападот на милитантите на Хамас.

„Децата пишуваат имиња на нивните тела за да може да се идентификуваат телата. Мајката на трите деца закопани под урнатините им вели на своите деца: „Да ве видам, дури и на сон“, рече Штајех и се расплака.

„Израелскиот министер за наследство не беше задоволен со 10.000 мртви, повеќе од 25.000 ранети и милион раселени. Сакаше да ја види Хирошима во Газа. Сакаше да види геноцид извршен со нуклеарна бомба што Израел ја поседува. Крвожеден сака да убие заради убиство“, продолжи тој.

Palestinian Prime Minister Mohammed Shtayyeh broke down in tears during the opening session of the Palestinian authority cabinet's meeting in Occupied west bank of Ramallah He spoke about children killed by Israeli air strikes. #FreePalestineNow #CeaseFire pic.twitter.com/8faZfTpXsG

— Mehro?? (@mehrobangash15) November 6, 2023

„Меѓународниот кривичен суд сега мора да издаде налог за апсење на криминалците како чекор на претпазливост за да се запре машината за убивање. Ги поздравувам земјите кои ќе поднесат барања до судот за кривично гонење на криминалците. Луѓе со совест и бранители на човечките вредности, од нив се бара брзо да дејствуваат за да се запре агресијата што го претвори Појасот Газа во крв“, рече тој.

Откако ги отфрли повиците за прекин на огнот, Израел е под постојан притисок да се обиде да избегне цивилни жртви за време на воените операции. Газа е едно од најгусто населените места во светот, каде милитантите на Хамас се мешаат со цивилното население и го користат како жив штит.