Легендарниот британски музичар Ози Озборн, познат како „принцот на темнината“, го одржа својот последен концерт. Тој настапи со своите членови од бендот „Блек сабат“ во Бирмингем на еднократниот концерт, чии приходи ќе одат во добротворни цели.

Ова беше првпат од 2005 година Озборн, Тони Ајоми, Гизер Батлер и Бил Ворд да ја делат сцената. Повеќе од 40.000 нивни обожаватели се собраа на стадионот Вила Парк.

„Вашата поддршка ни овозможи да живееме неверојатен животен стил. Ви благодарам од дното на моето срце. Ви благодарам за сè, супер сте. Бирмингем засекогаш“, рече Озборн.

Последниот настап беше особено емотивен за него, и тој ѝ се заблагодари на публиката неколку пати.

„Немате поим како се чувствувам“, рече тој.

@metalhammeruk All aboard the Crazy Train and all hail @ozzyosbourne. 🖤 #backtothebeginning #ozzyosbourne ♬ original sound – metalhammeruk

Претходно изјави дека не е сигурен дали ќе седи или ќе стои на концертот. Кога се појави седејќи на трон, предизвика возбуда кај обожавателите.

Следоа хитовите „Назад кон почетокот“, „Луд воз“, „Параноид“, „Сабат Блади Сабат“, „Вор Пигс“, „Ајрон Мен“ и други. На шоуто присуствуваа и неговата сопруга Шерон и ќерката Кели.

Озборн имаше седум операции во последните пет години, вклучувајќи ја и четвртата операција на ‘рбетот во 2023 година. Тој планира да продолжи да снима песни, но по концертот во Бирмингем повеќе нема да настапува пред публика.

Ози Озборн имал тумор на ‘рбетниот столб: Не ми остана уште многу од животот