Вчера во Хамбург се одржа ждрепката за групите на Европското првенство, а овој настан беше одбележан и со момент во кој во салата се слушнаа звуци од порно филм.

На никој во салата во тие моменти не му беше јасно што се случува, додека организаторот се обиде да ја смири ситуацијата со шега. Еден ден подоца, медиумите го откриваат виновникот за инцидентот.

Не е потврдено, но веројатно станува збор за јутујберот Даниел Џарвис кој на своите профили на социјалните мрежи покажа како го подготовил изненадувањето за сите во Хамбург. На поставеното видео може да се види како се јавува на телефон, додека во исто време на телевизорот се гледа реакцијата на учесниците на ждрепката на она што се случува.

Засега како што споменавме не е потврдено како и на кој начин му успеало, а ако се потврди дефинитивно може да добие тужба и парична казна од УЕФА за нарушување на угледот.