Кошаркарите на Оклахома го совладаа Денвер со 125:93 во седмиот натпревар од полуфиналето на Западот во НБА лигата, обезбедувајќи пласман во финалето на конференцијата.

Нагетси втора сезона по ред го завршија својот настап во плеј-офот во седмиот натпревар од полуфиналето.

За домашниот тим, Шеј Гилџес-Александер постигна 35 поени, Џален Вилијамс додаде 24, а Чет Холмгрен имаше 13 поени и 11 скокови.

Никола Јокиќ беше најефикасниот играч во Денвер со 20 поени, девет скокови и седум асистенции. Кристијан Браун додаде 19 поени, додека Џамал ​​Мареј го заврши натпреварот со 13 поени.

Во финалето на Западната конференција, Оклахома ќе игра против Минесота тимбервулвс, а првиот натпревар од серијата е закажан за среда наутро.