Започнаа ниските утрински температури и многу возачи веќе се соочуваат со истиот проблем секој ден, гребење на мразот од шофершајбната на автомобилите пред да одат на работа. Затоа, не е на одмет да повториме неколку трикови кои ќе ги направат студените утра попријатни, бидејќи побрзо ќе влезете во возилото, ќе го вклучите парното и ќе тргнете.

На ТикТок се појави видео кое изненади многумина, бидејќи во него жена покажува како всушност се користи стругалка за мраз со која се чисти шофершајбната, пренесува „Мирор“.

@xdizzylizzy10♬ original sound – DizzyLiz

– Овој трик за гребење мраз на ТикТок го научив утрово во 6 часот бидејќи не можев да заспијам – вели Лизи во видеото.

На видеото таа покажува како со едната страна го струга мразот, а потоа ја врти стругалката на другата страна и брзо го отстранува мразот од стаклото.

Гледајќи го видеото, луѓето во исто време беа и воодушевени и збунети.

„Јас сум возач 17 години и само што дознав за ова“, коментира некој.

„Не можам да верувам дека не знаев за тоа“, продолжи една жена.

Меѓу коментарите на нејзината објава беше и овој совет:

„Најважниот совет е да влезете и да го запалите автомобилот додека го правите тоа. Оставете го автомобилот да се загрее и да ги одмагли стаклата за да бидете подготвени да тргнете“.

Трикови за побрзо одмрзнување на автомобилот наутро

Направете домашен спреј за брзо одмрзнување. Многу е едноставно. Станува збор за течност за одмрзнување која наутро ќе ја испрскате на замрзнатите прозорци, мразот брзо ќе омекне и лесно ќе го отстраните, без макотрпно стругање.

Во шише со распрскувач ставете еден литар алкохол, еден децилитар вода и една лажичка детергент за миење садови. Добро протресете и толку. Има и друга варијанта – измешајте алкохол и вода во шише со распрскувач во сооднос 2:1 (две третини алкохол и една третина вода).

Трик за полесно отворање на вратата

Ова е местото каде што помага масло за автомобил. Испрскајте го во бравите на вашиот автомобил и нема да замрзне преку ноќ. А ако сакате да ја заштитите вратата од смрзнување, за да можете без проблем да ја отворите наутро, употребете глицерин, вазелин или растително масло за јадење.

Внимавајте каде паркирате и заштитете ги прозорците

И паметното паркирање ве спасува од стругање на мразот од возилото наутро. Ако можете, паркирајте така што предниот дел да гледа на исток и да не биде блокиран од згради и куќи. На овој начин, првите утрински зраци полека ќе го стопат мразот на шофершајбната, за да можете порано да одите на работа наутро.

И ставањето картон на прозорците е одличен начин да се спречи формирањето мраз преку ноќ. Наместо картон, можете да ставите и стара крпа.

Заштитете ги бришачите и ретровизорите

Доколку сакате бришачите да не се лепат за замрзнатото стакло, ставете стари чорапи. Или, едноставно подигнете ги од стаклото за да не се залепат.

Надворешните ретровизори на автомобилот нема да замрзнат ако ги „спакувате“ во пластични кеси. Можете да ги завиткате и со ластик.